Lyf sem ADHD einstaklingar taka, munu eftir 4. maí næstkomandi, falla undir greiðsluþátttöku Sjúkratrygginga Íslands (SÍ), að því gefnu að viðkomandi einstaklingur hafi lyfjaskírteini. Þetta er áréttað vegna fyrirspurna félagsmanna um svokallaða núll merkingu ADHD lyfja í lyfjaskrá.

Samfélagsverðlaun Fréttablaðsins voru afhent við hátíðlega athöfn á dögunum en ADHD samtökin fengu í ár tilnefningu í flokknum "Til atlögu gegn fordómum". Það er mikill heiður að fá tilnefningu og í henni felst viðurkenning á starfi ADHD samtakanna.

Kynningar fara nú fram á nýju greiðsluþátttökukerfi vegna kaupa á lyfjum. Breytingin tekur gildi 4. maí 2013. Meginmarkmiðið er að auka jafnræði milli einstaklinga óháð sjúkdómum og draga úr lyfjakostnaði þeirra sem þurfa að nota mikið af lyfjum. Nýja kerfið er þrepaskipt og þak er sett á heildarlyfjakostnað.

Fimmtudaginn 18. apríl kynna fulltrúar Sjúkratrygginga Íslands á Akureyri, nýtt greiðsluþátttökukerfi vegna lyfjakaupa og þær breytingar sem felast í kerfinu og tengjast ADHD. Fundurinn verður í sal Ökuskólans í Sunnuhlíð á Akureyri. Gengið er inn frá Skarðshlíð, upp á 2. hæð. Fundurinn hefst klukkan 20:30. Allir eru velkomnir, aðgangur er ókeypis og heitt verður á könnunni.

ADHD samtökin eru tilnefnd í ár til Samfélagsverðlauna Fréttablaðsins í flokknum "Til atlögu gegn fordómum". Í umsögn dómnefndar segir að samtökin vinni mikilvægt starf þegar kemur að börnum og unglingum með ofvirkni og athyglisbrest.

Allt að árs bið er fyrir fullorðna eftir greiningarviðtali hjá geðlækni vegna ADHD. Margir geðlæknar meðhöndla ekki kvillann vegna neikvæðrar umræðu um lyfjameðferð. Fullorðnum einstaklingum sem leita sér aðstoðar vegna athyglisbrests hefur fjölgað mikið á undanförnum misserum og er biðtími eftir að komast í greiningarviðtal.

Próf - skipulag og prófkvíði verður innlegg fundarins

Þriðjudaginn 16. apríl kl. 18:00 verður boðið upp á kynningu á nýju greiðsluþátttökukerfi lyfja hjá ADHD samtökunum að Háaleitisbraut 13.

„Ég var virkur, mikil orka í mér, og beindi henni á rangar brautir. Þetta var auðvitað erfiður tími. Handboltinn bjargaði mér en það eru ekki allir sem hafa íþróttir til að bjarga sér,“ sagði Björgvin sem hefur verið gerður að verndara samtakanna Lífsýn

Elyass Kristinn Bouanba, nemandi við Grunnskólann á Blönduósi, afhenti á dögunum, Ellen Calmon framkvæmdastjóra ADHD samtakanna afrakstur sölu á Kompumarkaði á Blönduósi sem haldinn var í íþróttamiðstöðinni rétt fyrir jólin.