Last chance to register this week - Understanding ADHD is a webinar for English-speaking adults and parents of children with ADHD. The purpose of the webinar is to provide an overview and practical insight into attention deficit hyperactivity disorder in adults and children. The two-part webinar is designed to cater to participants with the necessary information and tools to better understand their ADHD or/and support their kids. The Two-Part webinar is in total 4 hours long and takes place on two Saturdays 22nd & 29th of April. Each part is 2 hours. Press the link below for more information.

Síðasti séns til að skrá sig á vefnámskeiðið ADHD og skólaumhverfið en það fer fram núna á laugardaginn (18. febrúar) en námskeiðið er ætlað starfsfólki skóla sem kemur ekki beint að kennslu barna en vinnur náið með þeim í leik og starfi. Námskeið þetta gefur þátttakendum tækifæri á að efla þekkingu sína á ADHD og þeim eiginleikum og áskorunum sem því getur fylgt. Farið verður m.a. yfir aðferðir sem geta dregið úr óæskilegri hegðun og styrkja æskilega hegðun með því að byggja á styrkleikum barnsins. Frímínútur, matsalur, færsla í og úr tímum, fataklefar, íþróttaaðstaðan og tómstundamiðstöðin eru staðir sem börn með ADHD eiga hvað erfiðast með og í þessum aðstæðum aukast líkur á árekstrum. Skilningur og rétt viðbrögð starfsfólks skóla og frístundamiðstöðva geta dregið úr slíkum atvikum og bætt líðan. Á þessu námskeiði er farið yfir birtingamyndir ADHD, hvernig hægt er með gagnreyndum aðferðum að draga úr óæskilegum uppákomum og styrkja sjálfsmynd barna með ADHD með því að byggja á styrkleikum. Samskipti og samvinna þeirra sem koma að börnum með ADHD geta skipt sköpum ásamt því að samræma viðbrögð. Fyrirlesari er Jóna Kristín Gunnarsdóttir, grunnskólakennari og hegðunarráðgjafi.

Á fundinum munu fulltrúar frá skrifstofu menntasviðs Reykjanesbæjar og fræðsluþjónustu Suðurnesjabæjar fjalla um mikilvægi samvinnu heimilis og skóla í tengslum við börn með ADHD og miðla af reynslu sinni um árangurríkar aðferðir. Einnig verður boðið upp á umræður. Gengið inn um aðalinngang Akurskóla Tjarnabraut 5. 260 Reykjanesbæ. Hægt er að leggja bílum á bílastæði við íþróttahús, hægra megin við skólann. Allir velkomnir, félagsmenn sem og aðrir. Heitt á könnunni og að sjálfsögðu kostar ekkert að taka þátt. Fjölmennum, fræðumst og skiptumst á reynslusögum og skoðunum. Hægt er að skrá sig á viðburðinn á fb til að fá áminningu: https://fb.me/e/2uz05DRNu Hlökkum til að sjá ykkur sem flest.

Hvernig birtist ADHD hjá mér og hvernig get ég byggt á styrkleikum mínum til að öðlast aukna færni eða læra nýja? Á námskeiðinu er farið yfir birtingarmyndir ADHD og þátttakendur læra leiðir til að kortleggja hvernig þær birtast hjá þeim. Með auknum skilningi eykst getan til að finna hvaða styrkleikar þeir hafa og hvaða þætti þarf að styrkja, t.d. félagsfærni, tilfinningastjórnun og jákvæðari sjálfsmynd. Markmið námskeiðsins er að þátttakendur; *Öðlist meiri skilning á ADHD röskuninni og hvernig hægt er að yfirstíga hindranir sem hún veldur t.d. með aukinni hreyfingu, rútínu, slökun og matarræði *Efli færni í samskiptum og geti tileinkað sér að stoppa og hugsa áður en þeir bregðist við *Fái fleiri verkfæri sem nýtast í samskiptum og stuðla að bættri liðan *Skilji að allir geri mistök og hvernig má nýta þau til að læra af *Þekki betur tilfinningar sínar og kynnist aðferðum til að efla tilfinningastjórnun Námskeiðið er helgarnámskeið og er samtals 5 klst. og er hvorum degi skipt upp í minni verkefni og umræður með reglulegu uppbroti og heilahvíld.

Nú fer hver að verða síðastur til að skrá sig á ADHD og ég fyrir stráka á aldrinum 10.-12. sem fer fram helgina 25.-26. febrúar Hvernig birtist ADHD hjá mér og hvernig get ég byggt á styrkleikum mínum til að öðlast aukna færni eða læra nýja? Á námskeiðinu er farið yfir birtingarmyndir ADHD og þátttakendur læra leiðir til að kortleggja hvernig þær birtast hjá þeim. Með auknum skilningi eykst getan til að finna hvaða styrkleikar þeir hafa og hvaða þætti þarf að styrkja, t.d. félagsfærni, tilfinningastjórnun og jákvæðari sjálfsmynd.

Þrettándi þáttur af Lífinu með ADHD er kominn í hús en að þessu sinni settist Sólveig Ásgrímsdóttir, sálfræðingur niður með Guðna Rúnari Jónassyni verkefnastjóra ADHD samtakanna og ræddi málefni sem er Sólveigu nærri en það er staða eldri borgara með ADHD og athuganir sem hún hefur verið að fást við tengt efninu. Þáttinn er hægt að nálgast á eftirfarandi stöðum; Buzzsprout https://www.buzzsprout.com/1922294/12029483 Spotify https://open.spotify.com/episode/1XuoZHd1qEMVcHYUdMqXX4?si=zyeZEMoJQ8qEQSzJaMfpYQ

Fjarnámskeiðið sem fer fram 28. Janúar er fyrir kennara og leiðbeinendur í grunnskólum um birtingarmyndir ADHD og úrræði sem virka í kennslu, samskiptum og starfi. Farið verður yfir birtingamyndir ADHD í skólanum, skipulag kennslu, tól og tæki sem nýtast í kennslu. Kenndar verðar aðferðir um hvernig draga má úr óæskilegri hegðun og styrkja æskilega hegðun með því að byggja á styrkleikum nemandans. Samskipti, samvinna og samræmd viðbrögð þeirra sem koma að nemendum með ADHD geta skipt sköpum. Farið er yfir leiðir til að eiga farsæl samskipti milli skóla og heimilis. Hvað er ADHD fókus og hvernig getur kennarinn aðstoðað nemendur við að finna sinn fókus. Fyrirlesari Jóna Kristín Gunnarsdóttir grunnskólakennari og hegðunarráðgjafi. Dagssetning: 28. janúar laugardagur kl.11:00 -15.00 Frekari upplýsingar og skráning: https://www.adhd.is/is/namskeid-og-spjallafundir/kennsla-og-adhd-fyrir-grunnskolakennara-og-leidbeinendur

Síðustu forvöð að skrá sig á Leiksskólinn og ADHD Nú í janúar standa ADHD samtökin fyrir vefnámskeiði sem er ætlað leikskólakennurum og öðru starfsfólki leikskóla sem vinna með börnum þar sem grunur leikur á ADHD eða greining liggur fyrir. Starfsfólk Frístundar í grunnskólum er einnig hvatt til að nýta sér þetta námskeið því námskrá leikskóla, þar sem áhersla er á nám í gegnum leikinn, er mjög líkt ákjósanlegu fyrirkomulagi Frístunda. Námskeið þetta gefur þátttakendum tækifæri á að efla þekkingu sína á ADHD og þeim eiginleikum og áskorunum sem því getur fylgt. Farið verður m.a. yfir skipulag kennslu, tól og tæki sem nýtast í kennslu og kenndar verða aðferðir sem geta dregið úr óæskilegri hegðun og styrkja æskilega hegðun með því að byggja á styrkleikum nemandans. Samskipti, samvinna og samræmd vinnubrögð sem koma að nemendum með ADHD geta skipt sköpum. Farið verður yfir leiðir til að eiga farsæl samskipti milli heimilis og skóla. Þess ber að geta að það sem virkar fyrir nemendur með ADHD virkar í flestum tilfellum fyrir aðra og því er fólk hvatt til að sækja sér þetta námskeið. Fyrirlesari: Katrín Ruth Þorgeirsdóttir, Ráðgjafarþroskaþjálfi og Hegðunarráðgjafi. Dagssetning: 21. janúar laugardagur kl.10:00 -14.00

Hvernig hefur ADHD áhrif á það hvernig við nærum okkur, og hvað getum við gert til að stuðla að góðum fæðuvenjum? Heiðdís Snorradóttir hjá Endurnæringu, næringarfræðingur MSc. með áherslu á lýðheilsu, fer yfir hvernig ADHD hefur áhrif á fæðuvenjur. Sem dæmi, það að gleyma að borða yfir daginn, getur leitt til þess að gripið er til næringarsnauðs matar seinnipart dags, sem veitir einungis skammvinna vellíðan en stendur ekki með okkur til lengri tíma. Fundurinn verður haldinn í Seljakirkju, Hagaseli 40. Þann 24. Janúar næstkomandi og hefst klukkan 19:30. Heitt á könnunni. Fundurinn verður einnig sendur út í streymi á lokaðri facebook síðu sem er opin fyrir skráða meðlimi samtakanna. Skráðir meðlimir geta nálgast streymið hér. https://www.facebook.com/groups/adhdibeinni/ Hægt er að skrá sig á Facebook síðu til að fá áminningu um viðburðinn: https://fb.me/e/3dGsQLeAe Verið velkomin á fræðslufundinn!

Örfá sæti laus á rafíþróttanámskeið Fylkis og ADHD samtakanna fyrir stráka sem hefst 9. Janúar. Um er að ræða kynningarnámskeið í Rafíþróttum fyrir 12-17 ára stráka með ADHD. Æfingatímabilið er frá 9. janúar til 1. febrúar, átta skipti alls. Æfingar fara fram tvisvar sinnum í viku og eru æfingarnar í 90 mínútur í senn. Á æfingum hjá Rafíþróttadeild Fylkis er lögð áhersla á jákvæða tölvuleikjaspilun, líkamlega og andlega heilsu og liðsheild. Iðkendur hita upp og stunda líkamlegar hreyfingu, læra heilbrigða spilunarhætti og vinna saman sem lið. Fylkir sér fyrir öllum æfingatækjum, leikjum og aðgöngum en þátttakendum er velkomið að spila aðra leiki eða skrá sig inn á sína aðganga. Hámark eru 10 í hverjum æfingahóp. Námskeiðin fara fram í rafíþrótta aðstöðu Fylkis, Norðlingabraut 12. Við hvetjum forráðamenn til þess að vera meðvitaðir um aldursviðmið PEGI. Skráning á æfingar er á ábyrgð forráðamanna og við skráningu er forráðamaður að senda samþykki sitt við því að iðkandinn spili þann leik sem hann hefur verið skráð á æfingar fyrir. Frekari upplýsingar og skráningu er hægt að nálgast hér á heimasíðu ADHD samtakanna; Hópur 1: https://www.adhd.is/is/namskeid-og-spjallafundir/rafithrottir-fyrir-straka-med-adhd-12-17-ara-hopur-1 Hópur 2: https://www.adhd.is/is/namskeid-og-spjallafundir/rafithrottir-fyrir-straka-med-adhd-12-17-ara-hopur-2