ADHD aðventan og jólin verður umræðuefni spjallfundarins miðvikudagskvöldið 3. desember að Háaleitisbraut 13, fjórðu hæð, klukkan 20.30. Allir velkomnir í kaffi og notalegt spjall!

Náum áttum, opinn samstarfshópur um fræðslu- og forvarnamál efnir til morgunverðarfundar á Grand Hóteli, miðvikudagin 26. nóvember undir yfirskriftinni "Eru jólin hátíð allra barna? - velferð, vernd, virkni og virðing. Þar verður sjónum beint að aðventu og jólum, áfengisneyslu um jól, markaðssetningu jólanna og ólíkum fjölskyldugerðum.

Á ráðstefnu ÖBÍ á dögunum var nýtt myndband um SRFF kynnt. Myndbandið fjallar um samning Sameinuðu þjóðanna um réttindi fatlaðs fólks (SRFF) og hvernig hann er leiðarvísir að því hvernig tryggja skal fötluðu fólki mannréttindi og tækifæri til jafns við aðra í lífinu.

Munið eftir spjallfundinum fyrir fullorðna 19. nóvember klukkan 20.30 á Háaleitisbraut 13 á fjórðu hæð.

ADHD samtökin selja jólakort fyrir þessi jól líkt og áður. Kortið er teiknað af Mæju - Maríu Sif Daníelsdóttur myndlistarkonu og kostar pakki með 10 kortum aðeins 1.500 krónur.

Fulltrúar 45 félagasamtaka, einkum sjúklingasamtaka styrktar-og stuðningsfélaga sjúkra og samtaka aldraðra, afhentu fyrir hádegi forseta Alþingis ályktun. Í ályktuninni er skorað á ríkisstjórn, fjárlaganefnd og Alþingi að gera nauðsynlegar breytingar á fjárlagafrumvarpinu til að tryggja að umhverfi sjúklinga, aðstaða starfsfólks og nema standist bæði lög og þann metnað sem íslensk þjóð vilji sýna. Niðurskurður til Landspítala í fjárlagafrumvarpi næsta árs kunni að valda ómældum kostnaði fyrir spítalann. Rekstrarfé sem þar sé gert ráð fyrir muni ekki duga til að spítalinn geti veitt þá þjónustu sem lög kveði á um. Til að Ísland geti talist velferðarríki verði heilbrigðisþjónusta landsins að standast þær kröfur sem gerðar séu til sjúkrahúsa á Norðurlöndum.

Við minnum á spjallfundinn fyrir foreldra og forráðamenn í kvöld, miðvikudag 5. nóvember. Yfirskrift fundarins er "ADHD og lyf" og leiða fundinn Elín Hrefna Garðarsdóttir, geðlæknir Vilhjálmur Hjálmarsson leikari með meiru.

ADHD samtökin bjóða nú upp á fræðslunámskeið og ráðgjöf fyrir fullorðna með ADHD að Háaleitisbraut 13 4 hæð. Námskeiðið nefnist "Taktu stjórnina" og stendur í 10 klukkustundir, laugardagana 29. nóvember og 6. desember frá 11 - 16 báða dagana. Skráning er hafin á vef samtakanna en fjöldi þátttakenda er takmarkaður og örfá sæti eru enn laus.

Öryrkjabandalag Íslands býður til ráðstefnu fimmtudaginn 20.nóvember. Yfirskrift ráðstefnunnar er "Mannréttindi fyrir alla" og verður þar kynnt hvernig framtíðarsýn bandalagsins tengist samningi Sameinuðu þjóðanna um réttindi fatlaðs fólks. Aðgangur á ráðstefnuna er ókeypis.

Náum áttum, opinn samstarfshópur um fræðslu- og forvarnamál efnir til morgunverðarfundar á Grand Hóteli á morgun, miðvikudag, 29. október undir yfirskriftinni "Opinber umfjöllun um börn - Ábyrgð fjölmiðla og foreldra". Þar verður sjónum beint að því hvernig fjallað er um börn í fjölmiðlum, um afbrot barna og hver réttur barna er gagnvart fjölmiðlum.