Líkt og fyrri ár býður KFUM upp á sumarbúðadvöl fyrir börn með ADHD. Skráning er nú í fullum gangi í Gauraflokk í Vatnaskógi og Stelpur í stuði í Kaldárseli.

Þorsteinn Eyþórsson, 62 ára Borgnesingur, lagði fyrir stundu af stað hjólandi hringveginn. Þorsteinn eða Steini lagði upp frá Geirabakaríi í Borgarnesi og áætlar að ljúka hringnum viku eftir þjóðhátið. Hann segir þessa ferð fyrst og fremst vera áskorun á sjálfan sig en einnig ætlar hann að láta gott af sér leiða og safna peningum fyrir ADHD samtökin. „Þetta málefni stendur mér nærri en ég á nokkur barnabörn sem eru greind með ADHD,“ segir Steini.

Kristján Þór Júlíusson heilbrigðisráðherra hefur skipað starfshóp til að fara yfir umgjörð varðandi þjónustu, meðferð og stuðning við börn með ofvirkni og athyglisbrest (ADHD) og skyldar raskanir. Hópnum er ætlað að gera yfirlit yfir greiningar á ADHD meðal barna á fyrsta þjónustustigi og yfirfara þjónustuferli við börn með þessar greiningar á fysta öðru og þriðja þjónustustigi. Einnig að kanna flæði og samvinnu kerfa og þjónustustiga og bið eftir þjónustu á hverju stigi, greina veikleika og helstu hindranir og leggja mat á hvaða aðgerðir gætu helst stuðlað að úrbótum. Þá á hópurinn að greina kostnað við núverandi þjónustu, leggja mat á hvernig núverandi þjónusta mætir þörfum barna með ADHD og áætla þörf fyrir þjónustu á næstu árum, ásamt því að setja fram tillögur um aðgerðir ásamt kostnaðargreiningu.

ADHD samtökin bjóða upp á spjallfund í kvöld - miðvikudaginn 18. maí. Fundurinn í kvöld er ætlaður foreldrum og forráðamönnum barna og ungmenna með ADHD. Hann verður í fundarsal, Háaleitisibraut 13 og hefst klukkan 20:30. Drífa Björk Guðmundsdóttir leiðir fundinn en yfirskrift hans er Sumarfrí. Allir velkomnir, heitt á könnunni og kósý stemmning sem kostar ekkert. Hlökkum til að sjá ykkur sem flest.

ADHD samtökin bjóða upp á spjallfund annað kvöld - miðvikudaginn 11. maí. Fundurinn er ætlaður fullorðnum með ADHD. Hann verður í fundarsal, Háaleitisibraut 13 og hefst klukkan 20:30. Ásta Sóley Sigurðardóttir leiðir fundinn en yfirskrift hans er Félagsleg samskipti.

ADHD samtökin bjóða upp á spjallfund í kvöld miðvikudaginn 13. apríl kl. 20:30 fyrir foreldra og forráðamenn barna og ungmenna með ADHD að Háaleitisbraut 13. Elín Hrefna Garðarsdóttir og Vilhjálmur Hjálmarsson leiða fundinn en yfirskrift hans er ADHD og lyf. Allir velkomnir, heitt á könnunni og kósý stemmning sem kostar ekkert. Hlökkum til að sjá ykkur sem flest.

ADHD samtökin bjóða upp á spjallfund í kvöld miðvikudaginn 6. apríl kl. 20:30 fyrir fulloðna með ADHD að Háaleitisbraut 13. Elín Hrefna Garðarsdóttir og Vilhjálmur Hjálmarsson leiða fundinn en yfirskrift hans er ADHD og lyf. Allir velkomnir, heitt á könnunni og kósý stemmning sem kostar ekkert. Hlökkum til að sjá ykkur sem flest.

Sjúkratryggingar Íslands hafa ákveðið að verða við tilmælum velferðarráðuneytisins og munu breyta framkvæmd við útreikninga á greiðsluþátttöku sjúkratrygginga í lyfjakostnaði þegar lyfsali veitir afslátt af lyfjum. Útreikningurinn mun nú miðast við greiðsluþátttökuverð samkvæmt lyfjaverðskrá, án tillits til afsláttar sem lyfsali veitir. Umboðsmaður Alþingis sagði í áliti sínu 22. desember 2015 að ekki yrði séð að nein lagastoð væri fyrir framkvæmdinni, Sjúkratryggingum Íslands væri ekki heimilt að breyta greiðsluþátttökuverði, sem lyfjagreiðslunefnd hefði ákveðið, þegar lyfsali veitir afslátt af hlut sjúkratryggðs í smásöluverði. Nú rúmum þremur mánuðum eftir álit Umboðsmanns er framkvæmdinni loks breytt en málið hefur verið rekið allt frá því í mars 2014.

ADHD samtökin hafa nú tekið í sölu"Útrásarteygjur" eða Bouncy Bands. Teygjurnar eru sérlega góðar fyrir einstaklinga með ADHD og þá sem glíma við fótaóeirð og hreyfiþörf. Tvær tegundir eru í boði, teygjur sem festar eru á borðfætur og teygjur sem festar eru á stólfætur. Almennt verð er kr. 2.500,- en félagsmenn ADHD fá 20% afslátt og greiða kr. 2.000,- fyrir stykkið.

ADHD samtökin bjóða í apríl og maí upp á GPS-námskeið á Akureyri, sjálfsstyrkingarnámskeið fyrir drengi í 8. til 10.bekk, GPS sem stendur fyrir Gagnleg, persónuleg stjórntæki. Gert ráð fyrir 10 þátttakendum á hvert námskeið og er skráning hafin á vef ADHD.