Enn eru nokkur sæti laus á hið sívinsæla fræðslunámskeið ADHD samtakanna - Taktu stjórnina! sem byrjar 29. september 2020. Námskeiðið stendur í 10 klukkustundir - fimm skipti, 2 klukkukstundir í senn. Félagsmenn ADHD samtakanna njóta sérkjara.

ADHD samtökin bjóða upp á opinn spjallfund, um ADHD og einelti, í dag miðvikudaginn 2. september nk. kl. 20:30. Fundurinn verður í fundarsal samtakanna að Háaleitisbraut 13 - IV. hæð og er ætlaður aðstandendum barna með ADHD og öllu áhugafólki um betra líf með ADHD. Vegna COVID faraldursins verður sérstaklega gætt að sóttvörnum og tveggja metra reglunni á fundinum og því getur komið til þess að takmarka þurfi fjölda fundargesta. Þeir sem koma fyrst, ganga þá fyrir. Fundinum verður einnig streymt á lokað svæði skuldlausra félagsmanna ADHD samtakanna á Facebook, ADHD í beinni.

ADHD samtökin bjóða upp á opinn spjallfund, um ADHD og skólastarf á tímum COVID, í dag, miðvikudaginn 26. ágúst nk. kl. 20:30. Fundurinn verður í fundarsal samtakanna að Háaleitisbraut 13 - IV. hæð og er ætlaður aðstandendum barna með ADHD, námsfólki með ADHD, skólafólki og öllu áhugafólki um betra líf með ADHD. Vegna COVID faraldursins verður sérstaklega gætt að sóttvörnum og tveggja metra reglunni á fundinum og því getur komið til þess að takmarka þurfi fjölda fundargesta. Þeir sem koma fyrst, ganga þá fyrir. Fundinum verður einnig streymt á lokað svæði skuldlausra félagsmanna ADHD samtakanna á Facebook, ADHD í beinni.

Fræðslunámskeið fyrir aðstandendur 6-12 ára barna með ADHD verður haldið 12. og 19. september nk. Námskeiðið hentar vel fyrir alla nána aðstandendur barna með ADHD, mömmur, pabba, fósturforeldra, stjúpforeldra, ömmur, afa og aðra nána. Boðið verður uppá fjarfundarbúnað fyrir þá sem ekki geta mætt á staðinn.

Í nýjasta þættinum af Lífið með ADHD mæta þau Hildur Öder Einarsdóttir og ólympíufarinn Björgvinn Páll Gústavsson og miðla af reynslu sinni og þekkingu. Lífið með ADHD er nýtt hlaðvarp ADHD samtakanna, sem reglulega mun birta viðtalsþætti á ruv.is og í öllum helstu hlaðvarpsveitum.

Ekkert Reykjavíkurmaraþon þetta árið, en nú geta allir hlaupið eða gengið til góðs fyrir ADHD samtökin - hver á sinum tíma, hvaða vegalengd sem er og það kostar ekkert að vera með! Nýtum tækifærið og styðjum ADHD samtökin - velkomin í Team ADHD!

Skrifstofa ADHD samtakanna verður lokuð í Júlí.

Skráning er hafin á námskeið ADHD samtakanna sem haldin verða í haust. Um er að ræða fimm námskeið, fjögur sem hafa verið haldin í einu eða öðru formi á liðnum árum og hafa hlotið mikið lof þátttakenda og eitt nýtt, fyrir konur með ADHD, sem heitir Áfram stelpur! Félagsmenn ADHD samtakanna njóta sérstakra afsláttarkjara á öllum námskeiðunum, en fjöldi þátttakenda er takmarkaður - fystur kemur fyrstur fær.

Lífið með ADHD er nýtt hlaðvarp ADHD samtakanna og nú er fjallað um lögregluna og ADHD. Fram að þessu hefur fólkið sem starfar í lögreglunni lítið tjáð sig um málefnið en í þættinum fær Karitas Harpa rannsóknarlögreglumanninn Hall Hallsson í viðtal til sín og les einnig upp orð annars lögreglumanns sem treysti sér ekki til þess að koma fram undir nafni.

Nú fer skráning, undirbúningur og áheitasöfnun vegna Reykjavíkurmaraþonsins 2020 að fara á fullt. Vonandi verður Team ADHD enn stærra í ár en í fyrra, en allir sem hlaupa 3 km, 5 km, 10 km, 21 km og heilt maraþon geta hlaupið til góðs og stutt þannig við ADHD samtökin. Vertu með í Team ADHD.