28. janúar kl. 16:30-17:45 Grófinni, Hafnarstræti 95, 4. hæð Spjallfundur - ADHD og heimanám Jóna Kristín Gunnarsdóttir, kennari og stjórnarkona í ADHD samtökunum fer yfir helstu áskoranir sem nemendur með ADHD, kennarar og forráðamenn standa nú frammi fyrir. Samkomubann og raskanir á skólahaldi geta komið sérstaklega ílla við börn með ADHD og mikilvægt er að grípa til ráðstafana til að styðja þau í gegnum tímabilið. Ýmislegt er til ráða og mun Jóna Kristín miðla af reynslu sinni og svara spurningum eftir fremsta megni.

Betra líf með ADHD. ADHD samtökin bjóða upp á opinn spjallfund með ADHD markþjálfa um áskoranir daglegs lífs með ADHD og leiðir til að njóta þess, miðvikudaginn 20. janúar nk. kl. 20:30. Fundurinn verður í fundarsal samtakanna að Háaleitisbraut 13 - IV. hæð og er ætlaður fullorðnum með ADHD og öllu áhugafólki um betra líf með ADHD.

Fræðslunámskeið fyrir aðstandendur 6-12 ára barna með AHD verður haldið næstu tvo laugardaga, 23. og 30. janúar. Vegna fjöldatakmarkana er aðeins hægt að bæta við fjarfundarþátttakendum. Pabbar, mömmur, afar og ömmur - öll velkomin!

Stjórn ADHD samtakanna fagnar þeirri breytingu sem gerð hefur verið á inntökuskilyrðum til starfsnáms í lögreglufræði. Frá og með árinu 2021 verður ADHD og/eða lyfjanotkun skv. læknisráði vegna ADHD ekki útilokandi þáttur í umsóknarferli og er hér stigið mikið framfaraskref.

Skráning er hafin á öll helstu námskeið ADHD samtakanna á vorönn 2021. Um er að ræða sex námskeið, en fimm af þeim námskeiðum hafa verið haldin með einum eða öðrum hætti á liðnum árum og hafa hlotið mikið lof meðal þátttakenda. ADHD samtökin bjóða nú upp á nýtt námskeið sem ber heitið TÍA - Það er hnitmiðað og fjölbreytt námskeið um ADHD í tveim hlutum fyrir fagfólk sem starfar við íþrótta- og tómstundastarf og aðra aðila sem koma að skipulögðu starfi krakka með ADHD. Nánar má fræðast um námskeiðin hér að neðan. Félagsmenn ADHD samtakanna njóta sérstakra afsláttarkjara á öllum námskeiðunum, en fjöldi þátttakenda er takmarkaður - fystur kemur fyrstur fær. Hægt er að skrá sig í ADHD samtökin hér.

Skráning er hafin á fræðslu- og sjálfsstyrkingarnámskeið ADHD samtakanna – Áfram stelpur! Námskeiðið hefst 19. janúar nk. Fjöldi þátttakenda er takmarkaður, fyrstur kemur, fyrstur fær og félagsmenn ADHD samtakanna njóta sérkjara.

ADHD samtökin óska félagsmönnum sínum, samstarfsaðilum og landsmönnum öllum, gleðilegra jóla og farsældar á nýju ári. Samtökin þakka af heilum hug fyrir samfylgd og veittan stuðning á árinu sem er að líða. Skrifstofa ADHD samtakanna verður að mestu lokuð yfir hátíðarnar og pantanir í vefverslun samtakanna verða afgreiddar á fyrstu dögum nýs árs. Hátíðarkveðjur!

Vefverslun ADHD samtakanna hefur tekið stakkaskptum og er tilbúin fyrir jólin og jólasveinana... Nýjar vörur í miklu úrvali, fiktdót, bækur, skart, leikföng, listaverk og ýmiskonar smávara. Veglegir afslættir fyrir félagsmenn ADHD samtakanna. Sendum hvert á land sem er.

Þá er komið að seinasta ADHD spjallfundi ársins hjá samtökunum og fer hann í loftið í kvöld þann 9. desember nk. kl. 20:30. Fjallað verður um undirbúning jóla og ADHD og mun Dr. Drífa Björk Guðmundsdóttir sálfræðingur fjalla um hvernig ýmislegt í jólaundirbúningnum og þeim spenningi sem fylgir jólunum getur valdið streitu og erfiðleikum hjá börnum og fullorðnu fólki með ADHD. Gefin verða góð ráð um hvernig hægt er að bregðast við breyttri rútínu fjölskyldunnar í jólafríinu. Jólin eru enda hátíð gleði og eiga að vera það hjá fólki með ADHD einnig ekki síður en öðrum. Fyrirlesturinn fer á heimasíðu ADHD samtakanna vegna COVID faraldursins og verður honum einnig streymt á lokað svæði skuldlausra félagsmanna ADHD samtakanna á Facebook, ADHD í beinni.

Í nýjasta þættinum af Lífið með ADHD mætir Hildur Kristín Stefánsdóttir tónlistarkona, sem hefur verið áberandi í íslensku tónlistarlífi síðustu árin. Lífið með ADHD er hlaðvarp ADHD samtakanna, sem reglulega mun birta viðtalsþætti á ruv.is og í öllum helstu hlaðvarpsveitum.