Þegar margir boltar eru á lofti og álagið eykst þurfum við stundum að stoppa og fækka boltunum til að geta einbeitt okkur að náminu.

Íslensk erfðagreining rannsakar nú erfðir sköpunargáfu og tengsl sköpunargáfu við ofureinbeitingu og taugaþroskaraskanir svo sem ADHD. Öll eldri en 18 ára geta tekið þátt, óháð því hvort þau telji sig skapandi eða ekki.

ADHD samtökin ýta nú úr vör foreldrafærninámskeiðinu Kærleikur í kaos, sem ætlað er foreldrum barna með ADHD. Willum Þór Þórsson, heilbrigðisráðherra opnaði námskeiðið með formlegum hætti og er það nú öllum aðgengilegt á vef ADHD samtakanna.

Rútína og lyfin verða að vinna saman til að ég virki sem best sagði Óli Stefán þegar hann deildi reynslu sinni með okkur á fundi í gærkvöld. Þar fór hann yfir sitt líf og hvernig hann sér í dag ýmis einkenni ADHD sem höfðu áhrif á hann hvað varðar sjálfsmynd, kvíða og þróun alkólhólisma. Óli Stefán var einlægur og margir tengdu sterkt við hans lífsreynslu og fóru út með góð ráð af fundinum. Upptaka af fundinum er aðgengileg fyrir félagsfólk inni á Facebook í hópnum ADHD í beinni. Ef þú misstir af þessu hvetjum við þig til að gefa þér tíma og hlusta.

Valdís Hrönn verður með örfyrirlestur þar sem hún kynnir grunnatriði sem snúa að ADHD og fjármálum 4. nóvember sem er opinn fyrir alla. Hún verður svo með vefnámskeið á vegum ADHD samtakanna 12. og 19. nóvember um ADHD og fjármál þar sem hún fer betur í þá þætti sem hún kynnir stuttlega á opna fyrirlestrinum.

Hljóðbókasafn íslands hlaut hvatningarverðlaun ADHD samtakanna í ár fyrir ómetanlega þjónustu til handa börnum og fullorðnum með ADHD sem erfitt eiga með að nýta sér prentað mál. Verðlaunin voru afhent á málþinginu Konur - vitund og valdefling sem haldið var í Jötunheimum, sal Skátafélagsins Vífils í Garðabæ. Borgarfulltrúinn, Dóra Björt Guðjónsdóttir og formaður ADHD samtakanna, V