Elín Hoe Hinriksdóttir, sérkennari var kjörin formaður ADHD samtakanna á aðalfundi sem haldinn var í vikunni. Elín tekur við formennsku af Björk Þórarinsdóttur sem starfað hefur í stjórn samtakanna um árabil, bæði sem gjaldkeri og varaformaður og sem formaður síðastliðin 4 ár. Björk situr áfram í stjórn ADHD samtakanna sem gjaldkeri.

Kaldæingar bjóða upp á fimm daga dvöl í sumarbúðunum fyrir 10-12 ára stúlkur með athyglisbrest, ofvirkni og skyldar raskanir (ADHD). Flokkurinn nefnist Stelpur í stuði.

Aðalfundur ADHD samtakanna verður haldinn í kvöld, mánudaginn 24. mars 2014 klukkan 20. Fundurinn verður í fundarsal á 4. hæð að Háaleitisbraut 13. Á dagskrá eru venjuleg aðalfundarstörf. Félagsmenn eru hvattir til að mæta.

ADHD samtökin hafa nú látið þýða á pólsku, bækling með grunnupplýsingum um ADHD. Bæklingurinn nefnist "Co To Jest" - Hvað er ADHD? Lech Mastalerz, sendifulltrúi Póllands á Íslandi tók við fyrsta eintakinu í sendiráði Póllands í morgun.

Boðið verður upp á Vídeó - spjallfund í kvöld, mánudaginn 17.mars kl. 20 í húsnæði ADHD samtakanna að Háaleitisbraut 13. Sýnd verður myndin "Comprehensive guide: What is ADHD?". Þetta er fyrsti þátturinn af þremur þar sem farið er dýpra ofan í hvað ADHD er.

Við minnum á spjallfundinn fyrir foreldra og forráðamenn í kvöld, miðvikudag 12. mars. Björk Þórarinsdóttir, formaður ADHD samtakanna leiðir fundinn en yfirskrift hans er "ADHD og frístundir". Fundurinn verður að Háaleitisbraut 13 - 4.hæð og hefst klukkan 20:30. Allir velkomnir í kaffi og notalega stund án endurgjalds.

Kristján Þór Júlíusson heilbrigðisráðherra og verkefnisstjórn um Betri heilbrigðisþjónustu stóðu fyrir fundi í Norræna húsinu í dag þar sem fulltrúum sjúklinga- og aðstandendafélaga voru kynntar kerfisbreytingar og úrbætur sem unnið er að á sviði heilbrigðisþjónustu. Undir Betri heilbrigðisþjónustu falla eftirtalin verkefni: Þjónustustýring – innleiðing á landsvísu, sameining heilbrigðisstofnana, endurskoðun á greiðsluþátttöku einstaklinga í heilbrigðisþjónustunni, sameiginleg símaráðgjöf fyrir heilbrigðisþjónustuna um allt land ásamt gagnvirkri vefsíðu, innleiðing á ávísun hreyfiseðla sem meðferðarformi, samtengd rafræn sjúkraskrá og breyttar aðferðir við fjármögnun heilbrigðiskerfisins.

Líkt og undanfarin ár mun Vatnaskógur bjóða upp á sumarbúðir fyrir 10-12 ára drengi með athyglisbrest, ofvirkni og skyldar raskanir. Skráning hefst á vef KFUM miðvikudaginn 19. mars. Fyrstir koma - fyrstir fá.

Fræðslunámskeið fyrir foreldra 6-12 ára barna með ADHD verður haldið laugardagana 8. og 15. mars. Skráning er í fullum gangi.

Myndir segja oft meira en mörg orð og það á við um ADHD líkt og svo margt annað. Við munum á næstunni birta hér á vefnum myndbönd, alvarleg og skondin í bland.