Taktu stjórnina - FRESTAÐ TIL HAUSTS

ADHD samtökin bjóða á ný upp á fræðslunámskeið og ráðgjöf fyrir fullorðna með ADHD. Námskeiðið nefnist "Taktu stjórnina" og stendur í 10 klukkustundir, laugardaginn 9. maí og sunnudaginn 17. maí. Skráning er hafin á vef samtakanna en fjöldi þátttakenda er takmarkaður.

Tekið verður á eftirfarandi þáttum:

Dagur 1: Um ADHD

• Skilningur á ADHD og ólík einkenni
• Algengir fylgikvillar
• Að sættast við greininguna – styrkleikar og vandkvæði
• Markmiðasetning
• Félagsleg samskipti almennt

Dagur 2: Skipulag í daglegu lífi

• Vinna og nám
• Fjármálastjórn
• Heimilið
• Foreldrahlutverkið og samskipti við maka
• Heilbrigt líferni

Markmið námskeiðsins
Markmiðið er að veita fullorðnum með ADHD helstu upplýsingar um einkenni ADHD og ólíkar birtingarmyndir röskunarinnar. Styrkja einstaklingana í að skipuleggja líf sitt, ná utan um það sem kannski áður hefur farið forgörðum, vinna á streitu og kvíða með upplýsingum, samtölum og æfingum. Veita þátttakendum ákveðin tæki til að líða betur með ADHD í sínu lífi. Setja sér skynsamleg markmið og raunhæfar kröfur. Afraksturinn er betri einstaklingur, huganlega betra og ánægðara foreldri, maki, starfsmaður og borgari.

Námskeiðið verður laugardaginn 9. maí og sunnudaginn 17. maí 2015 að Háaleitisbraut 13, 4.hæð frá 11-16 báða dagana. Leiðbeinendur verða Dr. Drífa Björk Guðmundsdóttir sálfræðingur og Elín H. Hinriksdóttir sérkennari.

Verð fyrir námskeiðið er kr. 32.000,- og er skráning hafin á vef ADHD samtakanna.