Heillandi hugmyndir eða óþolandi þörf fyrir að gera hlutina öðruvísi?

ADHD samtökin bjóða upp á opinn spjallfund, um styrkleika starfsmanna og stjórnenda með ADHD 17. febrúar nk. kl. 20:30. Fundurinn verður í fundarsal samtakanna að Háaleitisbraut 13 - 4. hæð og er ætlaður fólki með ADHD og öllu áhugafólki um öflugt atvinnulíf og ADHD. Fundinum verður einnig streymt á lokað svæði skuldlausra félagsmanna ADHD samtakanna á Facebook, ADHD í beinni.

Heillandi hugmyndir eða óþolandi þörf fyrir að gera hlutina öðruvísi?
• Lyklar að skemmtilegu samstarfi

Styrkleikar fólks með víðhygli (ADHD) eru fjölbreyttir og margslungnir.  Í þessum fyrirlestri mun Aðalheiður ræða um birtingamynd þessara styrkleika og nokkra lykla sem geta nýst bæði starfsmönnum og stjórnendum svo hæfnisþættir og styrkleikar tengdir ADHD fái notið sín enn betur á vinnustaðnum.      Aðalheiður Sigursveinsdóttir hélt fyrirlesturinn „Æskilegt er að umsækjendur séu með ADHD“ á síðasta ári við góðar undirtektir. Aðalheiður er markþjálfi og stjórnunarráðgjafi með víðtæka reynslu úr íslensku atvinnulífi.  Í fyrirlestrinum byggir hún á eigin reynslu og innsýn af því að vinna með fjölmörgum snillingum með ADHD. 

Við mælum með þessum fyrirlestri, það er aldrei að vita nema að þú fáir góða hugmynd í kjölfarið.

Með virkri þátttöku fundargesta gefst einnig gott tækifæri til að læra af reynslu annarra og heyra uppbyggjandi reynslusögur. Á fundinum verður einnig hægt að nálgast bæklinga samtakanna, bækur um ADHD og annað fræðsluefni.

Allir eru velkomnir, félagsmenn sem aðrir. Það verður heitt á könnunni og að sjálfsögðu kostar ekkert að taka þátt.

Spjallfundir ADHD samtakanna í Reykjavík eru yfirleitt fyrsta og þriðja miðvikudag í hverjum mánuði og má sjá dagskrána framundan hér: Spjallfundir ADHD samtakanna.

Skráðu þig á Facebook viðburð spjallfundarins og fáðu áminningu 

Fundinum verður einnig streymt á lokað svæði skuldlausra félagsmanna ADHD samtakanna á Facebook, ADHD í beinni.

Ef þú vilt ganga í ADHD samtökin, er hægt að gera það hér. Ganga í ADHD samtökin.

Hlökkum til að sjá ykkur sem flest.