Elín H. Hinriksdóttir og Vilborg Oddsdóttir

Fyrstu endurskinsmerkin voru afhent Vilborgu Oddsdóttur félagsráðgjafa fyrir hönd Systkina-smiðjunnar  

Elín H. Hinriksdóttir formaður ADHD samtakanna afhenti Vilborgu Oddsdóttur fyrstu endurskinsmerkin fyrir hönd Systkinasmiðjunnar sem var stofnuð árið 1997. Hugmyndafræðin sem Systkinasmiðjan leggur mikið upp úr er sótt til SibShop sem upprunin er í Bandaríkjunum. Þar er boðið upp á námskeið fyrir börn á aldrinum 8 - 14 ára sem eiga það sameiginlegt að eiga systkini með sérþarfir. Þar eru ýmis verkefni leyst með barnahópnum, rætt er um stöðu þeirra innan fjölskyldannar, skólans, á meðal vina. Lögð er áhersla á að hvert og eitt barn fái að njóta sín sem best og tjá sig á þann hátt sem því hentar best. Lögð er áhersla á börnin hafi gaman og skemmti sér í systkinasmiðjunni ásamt því að tjá tilfinningar sínar og ræða hvernig þau leysa úr erfiðleikum sem þau standa frammi fyrir meðal annars vegna systkina þeirra sem eru með sérþarfir. Heimasíða Systkinasmiðjunnar er: https://www.systkinasmidjan.com/ 

Endurskinsmerkin seld víða um land dagana 5.-20. október