Taktu stjórnina - Fræðslunámskeið fyrir fullorðna með ADHD

MARS NÁMSKEIР2023 - TAKTU STJÓRNINA – LOKA ÚTKALL

Skráning fer að ljúka fyrir hið sívinsæla færninámskeið ADHD samtakanna - Taktu stjórnina sem hefst 6. mars og stendur yfir í fjórar vikur. Námskeiðið stendur í 10 klukkustundir í heildina - fjögur skipti, 2 og 1/2 klukkukstund í senn frá kl. 18:00-20:30 daganna 6., 13., 20. og 27. mars 2023, sjá nánar töflu hér fyrir neðan.

Fjöldi þátttakenda er takmarkaður og sætum fer fækkandi

Á námskeiðinu verður fjallað um eftirfarandi þætti

• Skilningur á ADHD og ólík einkenni
• Algengir fylgikvillar
• Að sættast við greininguna – styrkleikar og vandkvæði
• Markmiðasetning
• Félagsleg samskipti almennt
• Vinna og nám
• Fjármálastjórn
• Heimilið
• Foreldrahlutverkið og samskipti við maka
• Heilbrigt líferni

Markmið námskeiðsins

Markmiðið er að veita fullorðnum með ADHD helstu upplýsingar um einkenni ADHD og ólíkar birtingarmyndir röskunarinnar. Styrkja einstaklingana í að skipuleggja líf sitt, ná utan um það sem kannski áður hefur farið forgörðum, vinna á streitu og kvíða með upplýsingum, samtölum og æfingum. Veita þátttakendum ákveðin tæki til að líða betur með ADHD í sínu lífi. Setja sér skynsamleg markmið og raunhæfar kröfur. Afraksturinn er betri einstaklingur, huganlega betra og ánægðara foreldri, maki, starfsmaður og borgari.

Námskeiðið verður haldið í húsnæði ADHD samtakanna að Háaleitisbraut 13, 4. hæð.

Leiðbeinendur verða Dr. Drífa Björk Guðmundsdóttir, sálfræðingur og Sigrún Jónsdóttir, ADHD markþjálfi og þroskaþjálfi.

Mars námskeið 

Námskeiðsverð

39.000 kr. fyrir félagsmenn ADHD samtakanna: SKRÁNING HÉR
44.000 kr fyrir aðra: SKRÁNING HÉR

Innifalið í námskeiðsgjaldi er hressing og bók Dr. Ara Tuckman, "Leyndardómar heilans - Láttu verkin tala" sem kostar 5.900 kr. ein og sér.
Félagsmenn í ADHD samtökunum fá afslátt af þátttökugjaldinu, en hægt er að ganga í samtökin hér.
Einnig er hægt að hafa samband við ADHD samtökin, 581 1110 eða adhd@adhd.is
Verið velkomin á námskeið hjá ADHD samtökunum!