Lína langsokkur fékk fyrsta endurskinsmerkið

Leikarahópurinn í Línu langsokk /MYND:Katrín Björg

Lína langsokkur tók í gær við fyrsta endurskinsmerki ADHD samtakanna en afhending merkisins markar upphaf alþjóðlegs ADHD vitundarmánaðar. Merkið var afhent strax að lokinni sýningu á leikritinu um Línu í Borgarleikhúsinu og voru allir þátttakendur í leikritinu viðstaddir.

Með hverju endurskinsmerki fylgir örbæklingur sem inniheldur helstu upplýsingar um ADHD eða athyglisbrest með ofvirkni. Endurskinsmerkið í ár ber líkt og fyrri ár meinfyndna teikningu Hugleiks Dagssonar. Merkin eru prentuð í Svíþjóð úr hágæðaefni sem stenst alla staðla og kröfur.

Endurskinsmerkin verða seld til styrktar ADHD samtökunum á afgreiðslustöðum N1 um allt land á kr. 1.000,-

Þá er einnig hægt að kaupa merkin hér á vefnum, www.adhd.is

Allur söluágóði rennur til ADHD samtakanna.

ADHD samtökin færa Línu langsokk og öllum sem að leikritinu í Borgarleikhúsinu standa, innilegar þakkir fyrir aðstoðina. Sömuleiðis þökkum við Hugleiki Dagssyni innilega fyrir allar skemmtilegu teikningarnar sem hafa prýtt endurskinsmerki samtakanna síðustu ár.