Fimmtudagsfræðslan: Leiðir til að efla einbeitingu og úthald barna með ADHD

ADHD og leiðir til að efla einbeitingu og úthald barna með ADHD er umfjöllunarefni Fimmtudagsfræðslunnar,  í Gerðubergi 26. mars kl. 17.00 - 18.30. Fimmtudagsfræðslan er opin fræðsla fyrir foreldra í Breiðholti annan hvorn fimmtudag en það er Þjónustumiðstöð Breiðholts sem stendur að fræðslunni, í samvinnu við Menntun Núna og Borgarbókasafnið - Menningarhús Gerðubergi.

Thelma Lind Tryggvadóttir hegðunarráðgjafi Þjónustumiðstöð Breiðholts flytur þar erindi sem nefnist "Er barnið þitt með ADHD? Leiðir til að efla einbeitingu og úthald barna með ADHD."

Fræðslan verður í Gerðubergi, fimmtudaginn 26. mars og hefst klukkan 17. Boðið er upp á afþreyingu fyrir börnin á bókasafni á meðan á fræðslunni stendur. Allir velkomnir og aðgangur er ókeypis.