Fjöldi þátttakenda er takmarkaður - fyrstur kemur, fyrstur fær!
Markmið námskeiðs:
Námskeiðinu er ætlað að veita fræðslu um ADHD einkenni kvenna, algengar fylgiraskanir þeirra og ólíkar birtingarmyndir röskunarinnar. Áhersla er lögð á þau hugrænu ferli sem liggja að baki algengum áskorunum sem einstaklingar með ADHD mæta í daglegu lífi, hvort sem er í námi, starfi, heimilislífi, félagslegum samskiptum eða uppeldi. Markmið námskeiðsins er að styrkja konur með ADHD í markmiðasetningu, áætlanagerð og skipulagi með það fyrir augum að draga úr streitu og vanmáttarkennd. Námskeiðinu er ætlað að fræða konur um ýmis verkfæri sem nýst geta í þessum tilgangi og veita þjálfun í notkun þeirra í gegnum samtöl og verkefnavinnu.
Námskeiðið verður haldið í Lífsgæðasetrinu, ST. Jósefspítala, Suðurgata 41, 220 Hafnarfjörður. Leiðbeinandi er Sigrún Jónsdóttir ADHD og einhverfu markþjálfi.
Námskeiðið stendur í 9 klukkustundir - þrjú skipti, 3.0 klukkustundir í senn. Næsta námskeið verður haldið fimmtudagana 7. - 14. - og 21. mars kl.17:00-20.00
Skipulag námskeiðs 2024:
Tími |
Vikudagur |
Dagsetning |
Tímasetning |
1. tími |
Fimmtudagur |
7. mars |
17:00 - 20:00 |
2. tími |
Fimmtudagur |
14. mars |
17:00 - 20:00 |
3. tími |
Fimmtudagur |
21. mars |
17:00 - 20:00 |
Innifalið í námskeiðsgjaldi er hressing og bók Dr. Ara Tuckman, "Leyndardómar heilans - Láttu verkin tala" sem kostar 5.900 kr. ein og sér.
Félagsmenn í ADHD samtökunum fá afslátt af þátttökugjaldinu, en hægt er að ganga í samtökin hér.
Einnig er hægt að hafa samband við ADHD samtökin, 581 1110 eða adhd@adhd.is